أحد المرشحين وهو بيعمل جولة إنتخابية :
صادف رجل عجوز ميل عليه وحضنه وأعطى له { ٢٠٠ } جنيه وهمس له وقال له أصواتكم معايا إن شاء الله ياحاج إنت وعيالك
الراجل العجوز قال له يا بني أنا مش عاوز فلوس
أنا كنت عاوز حمار يساعدني في المعيشة ،،
المرشح المحترم راح سوق الحمير يشتري له حمار
بس لم يجد حمار بالـ {٢٠٠ } جنيه بتاعته فرجع للراجل وقاله مفيش حمار بالسعر ده يا عم الحاج ،، العجوز إبتسم وقاله :
بقى يعنى معرفتش تشتري حمار بفلوسك
وجاي تشترينى بيهم أنا وعيالى وبلدى ؟
رسالة لكل من يبيع صوته ب ٥٠ ج
ولا ١٠٠ ج ولا حتي ٥٠٠ جنيه
عيب عليك تبيع نفسك وولادك وبلدك بالرخيص
متخليش الحمار يبقى اغلى منك وله سعر عنك
وإياكم ولصوص الأوطان .. فهم أخطر من الأعداء
يقدم موقع منيا القمح تغطية شاملة لكل ما يهم أهالي مدينة منيا القمح ومحافظة الشرقية، من خلال متابعة آخر الأخبار، وما يقدمه نواب المدينة من مبادرات وخدمات، بالإضافة إلى تسليط الضوء على الخدمات العامة والعملية التعليمية، وتغطية قضايا ومناسبات العائلات، وأهم الحوادث الجارية. كما نهتم بإبراز مواهب ملاعبنا ونجوم اللاعبين، ونتناول أخبار عمد ومشايخ البلد، واحتفالات زغروتة، وتكريمات مرتبة الشرف، إلى جانب مجموعة مختارة من المقالات المميزة.
